Japonııada qatty nóserden 37 metrlik kópir qırady

TOKIO. QazAqparat - 3 shildede Japonııanyń ońtústik-batysynda qatty nóserden kópir qırady. Kýmamoto qalasynyń 360 myń turǵyny evakýatsııa týraly habarlama aldy. Bul týraly QazAqparat Kyodo-ǵa silteme jasap málim etedi.

Japonııa meteorologııalyq agenttigi qatty nóser men naızaǵaı seısenbige deıin jalǵasatyny týraly eskertti jáne turǵyndardy yqtımal kóshkin men syrǵymaǵa baılanysty abaı bolýǵa shaqyrdy.

Kýmamoto prefektýrasynyń ıAmato jáne Mashıkı kentterinde jaýyn mólsheri saǵatyna 82 mm jáne 80 mm jetti. Bul shildede osy aımaq úshin rekordty kórsetkish.

Jergilikti bıliktiń aıtýynsha, qatty jańbyrdan ıAmato kenti arqyly aǵyp ótetin shaǵyn ózenniń ústindegi 37 metrlik beton kópir opyrylyp túsken. Zardap shekkender týraly málimet joq.