Japonııada qartaıýdan qorǵaıtyn preparat synaqtan ótip jatyr
ASTANA. QazAqparat - Japonııada qartaıýǵa qarsy preparatty adamdarǵa synap kórý jumystary bastaldy. Bıologtar deni saý tyshqandardyń qartaıýyn baıaýlatatyn tabıǵı baılanystardy tapty, dep habarlaıdy QazAqparat Lenta.ru saıtyna silteme jasap.
Óz jumysynda zertteýshiler NAD kofermentin janýarlar aǵzasynda sıntezdeý úshin jasýshanyń energetıkalyq almasýyna qatysatyn NMN nýkleotıdin paıdalanǵan.
NAD kofermentin janýarlarǵa tikeleı engizý múmkin emes. NAD birigýi maılar men kómirsýlardy sińirýde kórinis tabady. Alaıda onyń sıntezi jastyń ulǵaıýyna baılanysty DNQ-nyń zaqymdalý protsesin baıaýlatady. Sonymen birge, koferment deneniń salmaq jınaýyna, ınsýlınge sezimtaldyqtyń joǵalýyna jáne fızıkalyq belsendiliktiń tómendeýine tosqaýyl bolady.
«Biz qartaıǵan tyshqandarda baıqalǵan fızıologııalyq báseńsýdi baıaýlatý ádisin kórsettik. Bul kári tyshqandardyń kúsh-qýat jáne zat almasý deńgeıi jas janýarlar deńgeıine jetetinin bildiredi», - dedi zertteýdiń birlesken avtory Sın-Itıro Imaı.
Sýda ertıtin NMN úsh mınýtta qanǵa sińedi, preparatty jas tyshqandar qabyldaǵanda aıtarlyqtaı nátıje baıqalǵan joq. Adamdar men tyshqan aǵzasyndaǵy zat almasý uqsas bolǵandyqtan, jańa zertteýdegi tujyrymdar adamdarǵa da sáıkes keledi. Mundaı birigýler brokkolı, oramjapyraq, qııar jáne avokado sekildi birqatar azyq-túlik quramynda bar.
