Japonııada qara tústi taýyq jumyrtqasy satylýda
ASTANA. QazAqparat - Japonııada sýǵa pisirilgen qara tústi jumyrtqa satyla bastady. Jumyrtqa ystyq kúkirtti sýǵa pisirilgen soń syrty qaraǵa boıalady, dep jazady rosbalt.ru.
Jumyrtqa kóptegen ystyq geızerler men kúkirtti sý qaınary bar Ovakýdanı janartaý ańǵarynda satyla bastady. Ol jerge jergilikti tańsyq asqa qyzyqqan myńdaǵan týrıster kelip jatyr.
Jumyrtqany kúkirtti sý qaınaryna pisiredi, sondyqtan da ol qara túske boıalady. Aqýyz ben sarýyzdyń kúkirtti hosh ıisi men dámi til úıiredi. Ónim densaýlyqqa óte paıdaly sanalady. Alaıda qara jumyrtqany pisken soń birden jeý qajet. Qazir onyń bes danasy 4 dollarǵa (shamamen 1 504 teńge) saýdalanýda.
