Japonııada qar qursaýynda qalyp qoıǵan poıyz jolaýshylary vagondarda túnedi
ASTANA. QazAqparat - Japonııada beısenbi kúni Nııgata qalasynan Nagaokýǵa jol tartqan júzdegen poıyz jolaýshylary qardyń qalyń túsýi saldarynan qar qursaýynda qalyp, vagondarda túneltti. Olar juma kúni tańerteń de sol jerde otyr, dep habarlaıdy «QazAqparat» HAA TASS-qa silteme jasap.
Sandze qalasynyń aýmaǵynda qalyp qoıǵan poıyzda 600 adam bar. Quram ár stantsııaǵa deıin 300 metr qashyqtyqty quraıtyn eki stantsııanyń ortasynda qalyp otyr. Jolaýshylar túnde kóshege shyqpaı, vagonda túnedi. Vagondar jaryqpen, jylýmen jáne dárethanamen qamtamasyz etilgen. Týystary kútip alǵan jolaýshylar ǵana poıyzdan túsip ketken, qazir quramda shamamen 430 adam bar.
JR East kompanııasy temirjol operatorynyń ókilderi jolaýshylarǵa tek tańǵysyn sý men tamaq jetkizgen. Sonymen qatar, birneshe adam densaýlyǵynyń syr bergenine shaǵymdanyp, aýrýhanaǵa jetkizilgen. JR East joldy tazalaý jumystaryn jalǵastyryp jatyr.
Bul juma kúni túnde qar qursaýynda qalyp qoıǵan jalǵyz poıyz emes. Taǵy úsh quram stantsııalarda tur, olardyń jolaýshylary vagondarda otyr. Alaıda, ondaǵy adamdar sany belgisiz.
