Japonııada qar kóshkini qurbandarynyń sany 8-ge jetti
ASTANA. QazAqparat - Japonııanyń Nasý qalasyndaǵy (Totıgı prefektýrasy) taý-shańǵy kýrortynda bolǵan qar kóshkininen kem degende 8 oqýshy qaza boldy.
Bul týraly qutqarý qyzmetiniń fýnktsııasyn atqaratyn jergilikti órt basqarmasynan habarlady.
Olardyń barlyǵynyń «júrekteri men ókpeleri toqtap qalýdyń aldynda tur». Japondyqtar muny «klınıkalyq ólim» dep ataıdy jáne mundaı dıagnozdy qutqarýshylar emes, dárigerler ǵana qoıa alady, dep habarlady TASS agenttigi.
Odan bólek, órt basqarmasynyń derekterine sáıkes, qar kóshkininen taǵy 37 adam zardap shegip, aýyr jaraqattar alǵan taǵy ekeýi aýrýhanaǵa jetkizilgen.
Qar kóshkini kezinde taý bókterinde 63 adam bolǵan. Onda Totıgıdiń túrli mektepterinde oqıtyn joǵary synyp oqýshylary bolǵan. Olar quzǵa órmeleý úıirmesine qatysyp, nusqaýshy kómegimen taýǵa órmeleýdi úırenip jatqan.
