Japonııada «qandy aýlaý» kezinde delfın adamdardan ózin qutqarýǵa jalynyshty ıshara bildirdi
ASTANA. QazAqparat - Japonııada Taıdzıde jyl saıynǵy delfınderdi aýlaý naýqany bastaldy, dep habarlady epochtimes.ru.
The Dolphin Project jobasynyń negizin qalaýshy Rık O'Barrı delfın óltirer aldynda adamdarǵa qaraı júzip kelip, olardan ózderin qutqarýyn ótingen vıdeony túsirgen.
Delfın sý túbinen jaǵalaý mańyndaǵy oqshaý jerge qýylǵan toptaǵylardyń biri edi.
Delfınder qutylatyn jol tappaı janushyrdy, al olardyń biri kórermenniń, onyń ishinde O'Barrıdiń kómektesýine ıshara bildirdi.
«Sýǵa sekirip oǵan kómekteskim-aq keldi, - dedi ol - biraq olaı jasaı almadym. Eger sýǵa sekirsek, bizdi kommertsııaǵa kedergi keltirdi dep aıyptap, birden tutqyndaıdy, vıdeo, kompıýter, fotoapparattarymyzdy tárkileıdi».
«Júregiń qars aıyrylady, sumdyq kórinis», - dep qosty O'Barrı.
Whale and Dolphin Conservation kıtter men delfınderdi qorǵaý qaıyrymdylyq uıymynyń derekterine sáıkes 1 qyrkúıekten 1 naýryzǵa deıin ótkiziletin delfın aýlaý naýqany kezinde jyl saıyn 17 myń delfın óltiriledi eken.
