Japonııada qalyń qardyń saldarynan 100-den astam adam qaza boldy
ASTANA. 18 aqpan. QazAqparat - Japonııada qardyń mol jaýýy saldarynan keminde 103 adam qaza boldy, dep habarlady reseılik «Jańalyqtar» agenttigi jergilikti órtten qorǵaý basqarmasyna silteme jasap.
Qurban bolǵandardyń kópshiligi - keminde 60 adam - óz úıleriniń tóbesin qardan tazartýǵa tyrysyp, mert bolǵan. Bular negizinen 65 jastan asqan egde adamdar. Birqataryn qar kóshkini basyp qalyp, nemese tóbeden jáne basqa da bıik jerlerden qulap ólgen.
Qardyń mol túsýi eldiń búkil aýmaǵyn derlik qamtydy. Associated Press agenttiginiń habarlaýysha, Japonııanyń keıbir aýdandarynda qardyń qalyńdyǵy jyldyq ortasha normadan 2-5 ese kóp bolǵan.
Bundaı jaǵdaı buryn 2006 jyldyń qysynda bolǵan edi, onda Japonııa aýmaǵynda 152 adam kóz jumdy.
