Japonııada qalyń qar: Áýe reısteri toqtatylyp, myńdaǵan úıler jaryqsyz qaldy
ASTANA. QazAqparat - Gıfý prefektýrasy men eldiń ortalyq bóliginde qalyń qardyń túsýi saldarynan 3,6 myńnan astam úı elektr jaryǵynsyz qaldy.
Qalyń qar men daýyldy jel 93 áýe reısin toqtatyp, Honsıý aralynyń soltústik-shyǵysyndaǵy "Sınkansen" júırik poıyzdarynyń qozǵalysyna qıyndyq týǵyzdy.
Hokkaıdo aralynyń shyǵysyndaǵy daýyldy tolqyndar men sý basý qaýpinen jaǵalaýdaǵy aýdandardyń 240 turǵyny qaýipsiz jerge kóshirilip, taǵy 1,5 myń adamǵa úılerinen ketý eskertildi.
Nııgata prefektýrasynda túsken qardyń qalyńdyǵy 1,6 metrge deıin jetedi, al Hokkaıdoda ótken táýlikte qalyńdyǵy 90 santımetr qar túsken.
