Japonııada iri saýda ortalyǵyna kirip ketken aıý jurtty shoshytty
NUR-SULTAN. QazAqparat – Dúısenbi kúni Japonııanyń Isıkava prefektýrasynyń Kaga qalasyndaǵy iri saýda ortalyǵyna aıý kirip ketip, ondaǵy qyzmetkerler men satyp alýshylar shuǵyl evakýatsııalaǵan, dep habarlaıdy QazAqparat NHK telearnasyna silteme jasap.
Qazirgi kezde ólshemi shamamen bir jarym metr bolatyn jyrtqysh sýpermarket jáne kóptegen dámhanalar ornalasqan ǵımarattyń ishinde áli júr.
Jabaıy ańnyń júrgen jeri ishtegi beınetaspalar arqyly qadaǵalanýda. Ǵımaratqa sondaı-aq taspasy bar dron ushyryldy. Saýda ortalyǵyn polıtsııa qyzmetkerleri qorshap alǵan. Jaqyn mańdaǵy úıler men meıramhanalarda júrgen adamdardy saq bolýǵa shaqyrdy.
Aıý saýda ortalyǵynyń ǵımaratyna ol ashylmas buryn taýarlardy jetkizýge arnalǵan artqy esikten kirip ketken.
