Japonııada iri qar músinderi festıvali ótedi
ASTANA. QazAqparat - Japonııada Hokkaıdo aralyndaǵy Sapporo qalasynda 4-11 aqpan aralyǵynda qar músinderin jasaý boıynsha jyl saıynǵy 70-shi festıval ótedi, dep habarlaıdy QazAqparat.
Japonııa ulttyq týrıstik uıymdary saıtynyń jazýynsha, álemdegi eń iri muz shoýy jyl saıyn 2 mln týrıstiń basyn qosady. Mereke kezinde qatysýshylar qar men muzdan júzdegen músin jasaıdy. Bul Odorı Kern ortalyq saıabaǵynda jáne Sýsýkıno týrıstik aımaǵynda ótedi.
Sapporodaǵy alǵashqy qar festıvali 1950 jyly ótti. Ol kezde qalalyq saıabaqta jergilikti oqýshylar jasaǵan alty músin ornatylǵan edi. Bul qala turǵyndary arasynda úlken qyzyǵýshylyq týdyrdy. Sodan beri jyl saıyn aqpan aıynyń basynda músinshiler qar men muzdan túrli dúnıeler jasap keledi.
Festıval 1972 jyly álemdik deńgeıde tanymaldylyqqa ıe boldy. Ol kezde Sapporoda XI Olımpıada oıyndary ótken edi. Al 1974 jyldan beri mereke aıasynda qar músinderi qurylysy boıynsha halyqaralyq jarystar uıymdastyrylady.
