Japonııada ımperatordyń taqtan bas tartýy týraly zań qabyldandy
ASTANA. QazAqparat - Japonııada ımperator Akıhıtonyń taqtan bas tartýy týraly arnaıy zań qabyldandy. Qujatqa sáıkes, taq onyń úlken uly, murager hanzada Narýhıtoǵa beriledi, dep habarlaıdy Rosbalt.
Zań jobasyn el parlamentiniń tómengi palatasy maquldady. Lıberal-demokratııalyq partanyń kópshilik depýtattary qujatty qoldap daýys berse, birqatar oppozıtsııanyń, sonyń ishinde demokratııalyq partııanyń ókilderi qoldamaıtyndyǵyn bildirdi. Endi bul zań jobasy parlamenttiń joǵary palatasyna qaralýǵa jiberiledi. Ol maýsym aıynyń ortasyna deıin jalǵasatyn aǵymdaǵy sessııa barysynda qabyldanady dep kútilýde.
Taqtan bas tartý zań qabyldanǵannan keıin úsh jyl ishinde ótýi tıis. Japon baspasóziniń deregi boıynsha, ol 2018 jyldyń jeltoqsan aıynda bolýy múmkin.
BAQ-tyń deregine súıensek, Akıhıto taqtan bas tartqannan keıin «Uly mártebeli» tıtýlyn, memlekettik qamsyzdandyrý men basqa da jeńildikterdi saqtap qalady. Akıhıto 1933 jyldyń 23 jeltoqsan kúni dúnıege kelgen. Ol álemdegi eń ejelgi monarh áýletiniń ókili bolyp sanalady.
