Japonııada ıister «kontserti» ótedi
ASTANA. 4 qańtar. QazAqparat - «Saıahattyń» zamanaýı túri taksıden bastalady.
12 qańtar kúni Japonııanyń Hammer murajaıynda ıister «kontserti» ótedi. Erekshe shara arqyly uıymdastyrýshylar sýretshi Sadakıtı Hartmannyń kórermenderge Nıý-Iorkten Japonııaǵa saıahattaýdy túrli ıisterdiń kómegimen sezindirmek bolǵan oıyn júzege asyrmaqshy, dep habarlady kaztrk.kz saıtynan.
Alǵash ret mundaı «kontsertti» uıymdastyrý 1902 jyly qolǵa alynǵan. Kórermender belgili bir ıister arqyly Nıý-Iorkke «saıahat jasaǵan» edi. Alaıda, ol kezde «kontsert» sátsiz aıaqtalǵan.
Endi, mine, júz jyl ótken soń, Saskııa Ýılson-Braýn Hartmannyń tanymal týyndylaryn paıdalaný arqyly jáne zamanaýı tehnologııalardyń kómegimen erekshe ınstallıatsııa jasamaq.
«Saıahattyń» zamanaýı túri taksıden bastalady. Aldymen, balmuzdaq tıegen júk kóliginiń ıisi keledi. Saskııa ár aromatqa 10-nan 30-ǵa deıin túrli qospalardy paıdalanady.
Mysaly, ushaqtyń ıisin berý úshin ol býrbon men ushý kezindegi ushaq qozǵaltqyshy janarmaıynyń ıisin alady. Al, Tokıo metrosynyń ıisin berýde túrli gúlderdiń ıisi men mýskýs jáne qurǵaq ormannyń ıisin paıdalanbaqshy.
