Japonııada ǵylymı zertteý úshin 180-deı kıt óltirildi
ASTANA. QazAqparat - Japonııa ǵalymdary 177 kıtti aýlap, óltirgen, dep málimdeme jasady eldiń balyq aýlaý ónerkásibi basqarmasy.
Channel NewsAsia-nyń aqparaty boıynsha, úsh kıt aýlaıtyn keme 43 kishi teńbil baýyrly kıt pen 134 seıvaldy aýlaǵan. Mamandar janýarlardyń ishki aǵzalaryn zertteýde, atap aıtqanda, olardyń asqazanyndaǵy zattar týraly málimetter jınap jatyr.
Kıt aýlaý ónerkásibin retteý jónindegi halyqaralyq konventsııa bul janýarlardy tabys tabý maqsatynda aýlaýǵa tyıym salady. Alaıda 1987 jylǵy kelisimde kıtterdi «ólimge ákep soqtyrý qaýpi bolsa da zertteýge» bolatyny aıtylady.
Sonymen qatar zooqorǵaýshylar Japonııany ǵylymı maqsattardy jeleý ete otyryp kıt aýlap, etin sýpermarketterde satyp jatyr dep aıyptaıdy.
