Japonııada geımerlerge arnalǵan arnaıy tósek jasaldy
ASTANA. KAZINFORM — Japonııadaǵy Bauhutte ergonomıkalyq jıhaz óndirýshisi Electric Gaming Bed 2 atty geımerlerge arnalǵan arnaıy tósek shyǵardy. Jańa model modýldik konstrýktsııamen jabdyqtalǵan jáne uzaq ýaqyt qoldanǵanda yńǵaılylyqty arttyrýǵa baǵyttalǵan, dep PC Gamer-ge silteme jasap 24kg jazdy.
Birinshi modelden basty jańalyq — birneshe motorly sektsııalary bar transformatsııalanatyn qurylym. Burynǵy nusqadan aıyrmashylyǵy, konstrýktsııa úsh táýelsiz blokqa bólingen, bul tasymaldaý men ornatýdy, ásirese shaǵyn páterde ońaı etedi.
Tósekte matrastyń oryn aýystyrýyn boldyrmaıtyn arnaıy bekitkish ta bar. Óndirýshiniń oıynsha, bul ónim vıdeoııyndarǵa kóp ýaqyt bóletin qoldanýshylar úshin jasalǵan: demalý, kontent tutyný jáne tamaqtaný bir tósek ishinde qatar júrgizile alady.
Electric Gaming Bed 2 Japonııa naryǵynda 70 400 ıenge satylyp jatyr.
Buǵan deıin Sony avtorlyq quqyqty saqtaý úshin mýzykanttarǵa jańa tehnologııa usynǵanyn jazǵan edik.