Japonııada ǵalamshardaǵy eń qart er adam dúnıeden ótti
ASTANA. QazAqparat - Japonııada 113 jasqa qaraǵan shaǵynda ǵalamshardyń eń egde er adamy Sakarı Momoı ómirden ótti. Ol sozylmaly búırek jetimsizdigine shaldyqqan, dep habarlady búgin Saıtama qalasynyń bıligi.
5 aqpanda Sakarı Momomı Tokıodaǵy medıtsınalyq mekemelerdiń birinde otbasymen óziniń 112-ge tolǵan týǵan kúnin atap ótken. Ótken jylǵy tamyzda Gınnestiń rekordtar kitabynyń sarapshylary ony ǵalamshardaǵy eń egde er adam dep tanydy.
Sakarı Momoı 1903 jyly Honsıý aralynyń soltústik-shyǵysyndaǵy Fýkýsıma prefektýrasynda dúnıege kelgen. Ómir boıy agrohımııadan sabaq berip, birneshe mektepterde dırektor qyzmetin atqarǵan. Týystarynyń aıtýynsha, ómiriniń sońyna deıin onyń aqyl-esi durys bolǵan, óz betinshe kitap oqyp, sporttyq baǵdarlamalar kórgen.
