Japonııada feıerverkke arnalǵan barjadan órt shyqty
ASTANA. KAZINFORM – Japonııanyń Iokogama qalasynda feıerverg uıymdastyrýǵa arnalǵan barjadan órt shyqty, dep habarlaıdy Kyodo News.
Jaǵalaý kúzetiniń málimetterinshe, feıervergke arnalǵan barjalardyń birinen órt shyqty.
Keme bortynda bolǵan bes jumysshynyń barlyǵy teńizge sekirip, aman qaldy. Olardyń biri jeńil jaraqat alyp, aýrýhanaǵa jetkizildi. Ot jalyny kórshi barjaǵa da tarady, alaıda onda adamdar bolmaǵan.
Jergilikti polıtsııanyń málimetinshe, oqıǵaǵa otshashý júıesindegi aqaý sebep bolǵan. Qazirgi ýaqytta oqıǵanyń mán-jaıy anyqtalyp jatyr.
Sharanyń resmı saıtynda kórsetilgendeı, jergilikti ýaqyt boıynsha 19:30-dan bastap 25 mınýt ishinde shamamen 20 000 otshashý jiberý josparlanǵan. Uıymdastyrý komıteti bolǵan jaǵdaı úshin keshirim surap, oqıǵanyń mán-jaıyn muqııat zertteýge ýáde berdi.
Úndistandaǵy feıerverk fabrıkasynda bolǵan jarylystan segiz adam qaza tapty.