Japonııada «Etaý» daýyly oıran salýda
ASTANA. QazAqparat - Japonııada taǵy da taıfýn soqty. Eldiń ortalyq bóliginde «Etaý» daýylymen birge tolassyz nóserli jaýyn jaýyp, eldiń esin shyǵardy.
Tokıo qalasynyń keıbir aýdandary men Kanagava prefektýrasynda sel júrý qaýpi bar. Osyǵan oraı jergilikti bılik 550 myń turǵynǵa qaýipsiz jerge kóshý týraly keńes berdi.
Qolda bar málimetterge qaraǵanda, kúshti daýyl saldarynan shamamen 10 adam zardap shekken. Temirjol qozǵalysy toqtap, 50-ge jýyq ishki jáne halyqaralyq áýe reısi keıinge shegerildi. Jeldiń ekpini sekýndyna 35 metrge deıin jetken. Sınoptıkterdiń boljamynsha, nóserli jańbyr áli de jaýýy múmkin, dep jazady 24.kz.
