10:14, 15 Sáýir 2023 | GMT +5
Japonııada el premer-mınıstri halyq aldyna shyǵarda jarylys bolǵan
VAKAıAMA. QazAqparat – Oqıǵa Vakaıama qalasyndaǵy balyqshylar portynda boldy. Kúdikti ustalǵan, dep habarlaıdy QazAqparat NHK-ke silteme jasap.
15 sáýir kúni jergilikti ýaqytpen saǵat 11:30 shamasynda Japonııa premer-mınıstri Fýmıo Kıshıda Vakaıama qalasyndaǵy balyqshylar portynda kópshilik aldyna shyǵyp, sóz sóıleýi kerek bolǵan. Osy kezde jarylys dybysy estilip, aq tútin túziledi. Polıtsııa málimetinshe, zardap shekkender joq. Al, jarylǵysh zat laqtyrǵan kúdikti oqıǵa ornynda ustalǵan.
Budan buryn Kıshıda Vakaıamadaǵy Saıgasakı portynda balyqtyń dámin tatyp kórgen. Munan soń ol Vakaıama 1 okrýgi boıynsha palata ókilderin qosymsha saılaýǵa baılanysty sóz sóıleýi kerek edi. Alaıda, is-shara keıinge qaldyryldy. Atalǵan saılaý osy aıdyń 23-ine ótedi.