Japonııada eki aılyq náresteniń júregine jasalǵan ota sátti aıaqtaldy
ASTANA. QazAqparat - Japonııanyń Sımane memlekettik ýnıversıtetiniń dárigerleri eki aılyq balanyń júregine biregeı ota jasady. Ol týa bitken aqaýdan zardap shekken - onyń basty ókpe arterııasy oń jaq emes, sol jaq asqazanymen bitisip ketken, dep habarlady ITAR-TASS.
Jaratylysynan bolǵan mundaı qatelikti medıtsına qyzmetkerleri jónge keltirdi.
Ota jasaý kezinde sábıdiń salmaǵy nebári 1700 gramm bolǵan. Bul Japonııa tarıhyndaǵy júregine ota jasalǵan eń kishkentaı patsıent bolǵan. Dárigerlerdiń aıtýynsha, onyń júregi kólemi boıynsha ústel tennısi dobynan da kishkentaı bolypty. Sondyqtan da ota jasaý úshin arnaıy óńdelgen, erekshe naqty hırýrgııalyq ádister qoldanylǵan.
Ota 3 naýryzda jasalǵan, alaıda ol týraly búgin naýqastyń tolyqtaı aıyqqany belgili bolǵanda ǵana habarlanyp otyr.
