Japonııada Dúnıejúzilik EXPO 2025 kórmesi ótip jatyr
ASTANA. KAZINFORM - Osaka qalasynda 158 el men 9 halyqaralyq uıymdy biriktirgen aýqymdy halyqaralyq oqıǵa – Dúnıejúzilik EXPO 2025 kórmesi bastaldy.
Kórme 2025 jylǵy 13 sáýir men 13 qazan aralyǵynda ótedi. Іs-sharany ótkizý úshin jasandy ıÝmeshıma araly tańdaldy. Kórmeniń basty taqyryby — «Bizdiń ómirimiz úshin bolashaq qoǵamyn qurý». Ol úsh baǵyt arqyly ashylady: «Ómirdi qutqarý», «Múmkindikterdi keńeıtý» jáne «Ómirdi biriktirý».
Kórmeniń resmı rásimine Japonııa ımperatory Narýhıto men premer-mınıstr Sıgerý Isıba qatysty. Qazaqstan delegatsııasyn Qazaqstan Respýblıkasynyń Saýda jáne ıntegratsııa mınıstri Arman Shakqalıev basqardy.
Ulttyq pavılon Ońtústik Koreıa, Germanııa, Lıýksembýrg, Nepal, Ázerbaıjan, Iran, Monako jáne Túrkııa sııaqty elderdiń pavılondaryna jaqyn ornalasqan «Ómirdi biriktirý» taqyryptyq klasterinde ornalasqan.
EXPO 2025 kórmesindegi Qazaqstan pavılony – bul tsıfrlyq ǵalam, onda jańa tehnologııalar eldiń mádenıeti, tarıhy men bolashaǵy kórinis tabady.
Shańyraq sımvolyna negizdelgen tujyrymdama ınteraktıvti aımaqtardy biriktiredi. Onda kópqyrly murany ashatyn 3D meppıngten bastap, kelýshilerdiń júzderi birtutas vızýaldy kenepke biriktirilgen ımmersıvti proektsııalyq shoýǵa deıin bar. Ekspozıtsııanyń árbir elementi – Qazaqstannyń ekologııa, týrızm, ınnovatsııa jáne turaqty damý salasyndaǵy áleýetin zertteýge tartatyn qonaqpen dıalog ispettes.
Eldiń ınvestıtsııalyq jáne ekonomıkalyq áleýetin kórsetýge erekshe nazar aýdaryldy: negizgi salalar, tabıǵı resýrstar, týrıstik jáne ınnovatsııalyq áleýet, sondaı-aq «jasyl» energetıka jáne turaqty damý salasyndaǵy jetistikter usynyldy. Pavılon dıalog, mádenı almasý jáne jahandyq deńgeıde jańa seriktestikter ornatý úshin zamanaýı alańǵa aınalýǵa arnalǵan.
Pavılonda aǵzalardy transplantatsııalaý jáne oqshaýlanǵan múshelerdi emdeý salasyndaǵy jańalyq – ALEM (Astana life Ex-situ Machine) ınnovatsııalyq qurylǵysy usynylǵan. Jetekshi qazaqstandyq medıtsınalyq zertteýshiler men ınjenerler ázirlegen ALEM donorlyq organdardy oqshaýlanǵan múshede qajetti aralasýlar men maqsatty emdeý júrgizý múmkindigimen 24 saǵattan artyq saqtaýǵa múmkindik beredi. Bul jańalyq regeneratıvti medıtsınada ómirdi qutqarý múmkindikterin keńeıtetin jańa dáýirdi belgileıdi.
Qazaq halqynyń dástúri men qonaqjaılylyq mádenıetine saı ashylý kúni pavılonymyzda ulttyq taǵamdar usynyldy.
- EXPO kórmeleri jetistikterdi usyný múmkindigi ǵana emes, sonymen qatar halyqaralyq baılanystardy nyǵaıtý, ekonomıkalyq jáne mádenı dıalogty damytý úshin mańyzdy alań bolyp tabylady, - delingen «QazExpoCongress» UK» AQ taratqanhabarlamada.
Osyǵan deıin Ortalyq Azııa — Eýropa Odaǵy sammıtine qatysýshylar Aral Culture Summit kórmesin tamashalaǵanyn habarladyq.