Japonııada donordyń júregin alyp bara jatqan tikushaq apatqa ushyrady
FÝKÝSIMA. QazAqparat – Fýkýsıma prefektýrasynda transplantatsııa donordyń júregin alyp bara jatqan polıtsııa tikushaǵy senbi kúni Japonııanyń soltústik-shyǵys prefektýrasynda qonar kezde apatqa ushyrady. Borttaǵy jeti adam da zardap shekti, dep habarlaıdy QazAqparat.
Transplantatsııa úshin júrek alyp bara jatqan tikushaq Korııama qalasynda kúrish alqabyna qulady. Bortta úsh polıtseı, eki medqyzmetker jáne eki tehqyzmetker bolǵan, dep habarlaıdy Kyodo.
Polıtsııanyń málimetinshe, medıtsına qyzmetkerleriniń biri aýyr jaraqat alǵan. Degenmen jaraqaty ómirine qaýip tóndirip turǵan joq. Júrek senbi kúni Fýkýsımadaǵy aýrýhanalardyń birinde 50 jastaǵy er adamnan alynǵan edi. Júrek aýystyrý boıynsha josparlanǵan operatsııa toqtatyldy. Sebebi, donorlyq organdar tek qysqa ýaqytqa saqtalady.
Fýkýsıma meteorologııalyq basqarmasy Korııamedegi qatty jelge baılanysty eskertý jarııalaǵan edi. Apat Asakanagamorı stansasynan batysqa qaraı 12 shaqyrymda bolǵan. AgustaWestland AW139 tikushaǵynyń quıryǵy men qalaǵy soǵylǵan kezde bólinip qalǵan. Óńirlik qutqarýshylar qaýymdastyǵy tańǵy saǵat 8:10-da apattyq qyzmettiń shaqyrylǵanyn habarlady. Oqıǵa ornyna jaqyn ǵımarat 200 metr qashyqtyqta bolǵan.
