Japonııada «Chaba» taıfýny kesirinen 85 avıareıs toqtatyldy
ASTANA. QazAqparat - Japonııa avıakompanııalary joıqyn «Chaba» taıfýny jaqyndap qalǵandyqtan ishki 85 áýe reısin toqtatty. Bul týraly reseılik TASS agenttigi habarlady.
Osylaısha eldiń ońtústik batysyndaǵy baǵdarlar keıinge qaldyrylýda. Japonııanyń Meteorologııalyq basqarmasynyń habarlaýynsha, qazir tropıkalyq daýyl Kıýsıý aralynyń soltústik batysynda órship tur. Jeldiń jyldamdyǵy sekýndyna 40 metrge, al onyń uıytqýy sekýndyna 60 metrge jetken. Birqatar óńirlerde 200 mm jaýyn-shashyn túsýi múmkin.
