Japonııada birneshe ret kúshti jer silkinisi boldy: elde tsýnamı qaýpi jarııalandy

Japonııanyń ortalyq bóliginde birneshe kúshti jer silkinisi tirkeldi. Eldiń ulttyq meteorologııalyq basqarmasynyń málimetinshe, Isıkava jáne Nııgata prefektýralary aımaǵynda magnıtýdasy 7,4-ke jetetin jer silkinisi boldy. Kazinform bul týraly TASS aqparat agenttigine silteme jasap habarlaıdy. 

Qazirgi kezde qurbandar men qırandylar týraly aqparat joq. Alaıda eldiń búkil batys jaǵalaýynda tsýnamı qaýpi jarııalandy – tolqyn bıiktigi 5 metrge jetýi múmkin.

Jergilikti turǵyndardy dereý jaǵalaý aımaǵyn tastap ketýge nemese ǵımarattardyń shatyryna shyǵýǵa shaqyryp jatyr.

Sonymen birge, osy sátte respýblıka boıynsha kúshti jer silkinisi týraly eskertý júıesi úshinshi ret iske qosyldy. Jergilikti turǵyndardy jerasty dúmpýine daıyndalýǵa shaqyrdy.