Japonııada bir jarym apta ishinde 900-ge jýyq jer silkinisi boldy

ASTANA. KAZINFORM – Sársenbi kúni Japonııanyń ońtústik-batysyndaǵy Tokara araldary tobyndaǵy aýdanda magnıtýdasy 5,1 bolatyn jer silkinisi boldy, dep habarlaıdy Kazinform Kyodo News agenttigine silteme jasap.

Bul aımaqta eki aptaǵa jýyq ýaqyt boıy kúshti jer asty dúmpýleri boldy. 

Japon meteorologııalyq basqarmasynyń habarlaýynsha, qıraýlar men zardap shekkender týraly aqparat joq. 

Agenttik jer silkinisiniń jergilikti ýaqyt boıynsha tańǵy 4:32-de bolǵanyn jáne Kagosıma prefektýrasyndaǵy Akýsekı aralynda Japonııanyń 7 baldyq seısmıkalyq qarqyndylyq shkalasy boıynsha 5-ten tómen tirkelgenin habarlady. 

Sársenbide Kodakara aralynda da 4 qarqyndylyq jerasty dúmpýleri tirkeldi. 

ıAkýsıma jáne Amamı-Osıma araldaryna jaqyn ornalasqan aımaqta 21 maýsymnan beri birqatar jer silkinisi boldy: sársenbi kúni tańǵy saǵat 9-daǵy jaǵdaı boıynsha qarqyndylyǵy keminde 1 ball bolatyn 865 jer silkinisi tirkeldi. 

Osyǵan deıin Japonııanyń ońtústik batysynda 400-den astam jerasty dúmpýi tirkelgenin jazǵan edik.