Japonııada «bolashaq qalasy» salyndy

ASTANA. KAZINFORM — Japonııanyń Toyota kompanııasy Fýdzı taýynyń eteginde «bolashaq qalasyn» (Woven City) turǵyzdy, dep habarlaıdy kompanııanyń saıty. 

Qalashyqta turatyn otbasylardyń sany 300-ge jetti, olar kompanııa men onyń seriktesteri shyǵarǵan barlyq qurylǵylardy synaqtan ótkizedi.

Qala tolyǵymen jasandy ıntellektpen basqarylady: ol jer asty joldary arqyly azyq-túlik jetkizedi, elektr qýatyn retteıdi jáne kólikti basqarady.

Woven City turǵyndary eki topqa bólinedi: birinshisi – «ónertapqyshtar». Olar jańa ónimder men qyzmetterdi ázirleýmen jáne synaqtan ótkizýmen aınalysady. Ekinshi top, ıaǵnı «toqymashylar» qalashyqta jaı ǵana turyp, osy oqıǵalarmen tanysyp, «ónertapqyshtarǵa» óz usynystaryn beredi.

Eske sala keteıik, Japonııada jańa partııanyń jetekshisi jasandy ıntellekt bolady.