Japonııada birneshe kúıeýin óltirdi degen kúdikpen 67 jastaǵy áıel ustaldy
ASTANA. QazAqparat - Japonııa polıtsııasy birneshe kúıeýi jáne birge turǵan kóńildesterin de óltirdi degen kúdikpen 67 jastaǵy áıeldi qamaýǵa alyp, úıinde tintý júrgizdi, dep habarlady VVS.
Tısako Kakehı esimdi áıel sársenbi kúni óziniń sońǵy kúıeýi Isaony tsıandy kalıımen ýlap óltirdi degen kúdikpen qamaýǵa alynǵan. Teksere kelgende bul ýmen oǵan deıin de 2012 jyly taǵy bir er adam óltirilgeni anyqtaldy. Teksere kelgende ol da ómiriniń sońǵy kúnderinde Kakehımen kezdeskeni belgili bolǵan. Taratylǵan aqparatqa súıensek, taǵy tórt er adam Kakehıdi áıeldikke alǵannan keıin nemese onymen kezdesip júrgende ómirden ótken. Al, ol qaıtys bolǵan kúıeýlerinen 800 myńnan astam dollar «oljalapty». Alaıda, Tısako Kakehıdiń eshkimdi de óltirmenenin aıtyp, taǵylǵan kináni moıyndamaı otyr, dep jazady aqparat kózi.
