Japonııada bir aptada mektepte ekinshi ret pyshaqpen shabýyl jasaldy
TOKIO. QazAqparat - Juma kúni Hırosımadaǵy orta mektepte 13 jastaǵy jasóspirim synyptasyna pyshaq saldy, dep habarlaıdy QazAqparat Japonııanyń Kyodo aqparat agenttigine silteme jasap.
Oqıǵa tańǵy saǵat 8:15 shamasynda mektep dárethanalarynyń birinde bolǵan.
Shabýyldaýshy muǵalimge jábirlenýshiniń kezdeısoq kezdesip qalǵanyn aıtty. Ol pyshaqty ózimen birge úıden ala kelgen kórinedi.
Jábirlengen 12 jastaǵy jasóspirimniń sol qoly men denesiniń keı jerleri jaraqattanǵan.
Budan birneshe kún buryn, ıaǵnı 1 naýryz kúni Tokıo mańyndaǵy Saıtama prefektýrasynda 17 jastaǵy jasóspirim orta mektepke basyp kirip, onyń synypqa kirýine kedergi keltirmek bolǵan muǵalimge pyshaq salǵan. Shabýyl jasaýshy «bireýdi óltirgisi kelgenin» aıtty.
