Japonııada bıiktigi 50 sm deıin tsýnamı tirkeldi

ASTANA. KAZINFORM — Sársenbi kúni Japonııa Reseıdegi Kamchatkada bolǵan kúshti jer silkinisinen keıin eldiń Tynyq muhıty jaǵalaýynda tsýnamı qaýpi týraly jarııalady, dep habarlaıdy Kyodo News.

Japonııanyń soltústik jáne shyǵys bóliginde bıiktigi 50 santımetrge jetetin tolqyndar tirkeldi. 

Tsýnamı týraly eskertý jaǵalaý boıyndaǵy temirjol jáne áýe qatynasyn úzdi, sondaı-aq «Fýkýsıma-1» AES operatoryn Tynyq muhıtyna tazartylǵan radıoaktıvti sýdy jiberýdi toqtatýǵa májbúr etti.

Japonııanyń meteorologııalyq basqarmasy soltústiktegi Hokkaıdodan batystaǵy Vakaıama prefektýrasyna jáne ońtústigindegi Ogasavara araldaryna deıingi aýdandarda tsýnamı tolqyndary bolýy múmkin ekenin eskertti. Ol eskertýdiń kúni boıy kúshinde qalýy múmkin ekenin qosyp ótti.

Mııagı prefektýrasyndaǵy Isınomakı portynda bıiktigi 50 sm (20 dıýım) tsýnamı, al Ibarakı prefektýrasynyń Oaraı qalasynda bıiktigi 40 sm (16,5 dıýım) tolqyn tirkeldi.

Premer-mınıstr Sıgerý Isıba halyq qaýipsizdigin qamtamasyz etý úshin barlyq sharany qoldanýǵa ýáde berip, mınıstrlikter men vedomstvolarǵa tsýnamıden bolýy múmkin zalaldy barynsha azaıtýdy tapsyrdy. 

Japonııa Qorǵanys mınıstrligi aqparat jınaý úshin Tynyq muhıty jaǵalaýyna ushaqtar jiberdi.

Eske sala ketsek, 28 shildede Kamchatkada kúshti jer silkinisi bolǵanyn jazǵan edik. 

Kamchatkadaǵy jer silkinisi ártúrli elderde tsýnamı qaýpin týdyrdy.