Japonııada beısenbi kúni alty ret jer silkindi
ASTANA. 23 sáýir. QazAqparat - Japonııada beısenbi kúni magnıtýdasy 5,0-den 6,1-ge deıin jetken alty ret jer silkinisi tirkeldi. AQSh Ulttyq geologııa qyzmetiniń derekteri boıynsha, olardyń barlyǵy Honsıý aralyna jaqyn mańda bolǵan,
dep jazady RBK.
Zilzalanyń eń kúshtisi el astanasy Tokıo qalasynan 64 shaqyrym jerde tirkeldi. Jer asty dúmpýi 42,9 shaqyrym tereńdikte boldy.
Sońǵy jer silkinisi qurǵaq jerge eń jaqyny bolyp shyqty - olar Ivakı qalasynan 61 shaqyrym jáne Fýkýsıma qalasynan 76 shaqyrym qashyqtyqta tirkelgen. Jer asty dúmpýleriniń tereńdigi 36,6 shaqyrymdy qurady.
Qurbandar men ǵımarattardyń qıraǵany, sonymen birge tsýnamı qaýpi týraly málimetter túspedi.
