Japonııada basynan baqaıshyǵyna deıin qarýlanǵan 4 tonnalyq robot jasaldy
ASTANA. 2 tamyz. QazAqparat - Japonııa «Kýratas» atty sekýndyna 100 zarıadtyq jyldamdyqpen oq atyp, qıraǵan ǵımaratqa kirip, órt sóndire alatyn 4 metrlik robot jasap shyǵardy. Bul týraly baq.kz portaly jazady.
The Guardian aqparatyna sáıkes, 4,5 tonna bolatyn alyp qultemir jańa «RoboKop» ataýyn ıelenýi múmkin. Robot kýzovta otyratyn júrgizýshimen jáne 3G jelisine qosylǵan smartfonnyń kómegimen baqylanady. Alyp qultemir Tokıodaǵy «Ǵajaıyptar festıvalinde» kórsetilgen. Mashına dızeldi janarmaıdyń kómegimen jumys isteıdi, alaıda bolashaqta qýat kóziniń ekologııalyq taza túrin jasaý josparlanǵan. Robot áskerı jáne beıbit rejımge qaraı ózgerister engizilýge beıim.
Suidobashi kompanııasyndaǵy qurastyrýshylardyń sózine qaraǵanda, jańa qurylǵyny órt sóndirý men qırandylardy tazalaý syndy beıbit maqsattarǵa paıdalaný kózdelýde.
