Japonııada bastaýysh synyptardan bastap baǵdarlamalaýdy mindetti pán retinde oqytady
ASTANA. QazAqparat - Japonııanyń Bilim, mádenıet, sport, ǵylym jáne tehnologııalar mınıstrligi 2020 jyldan bastap baǵdarlamalaýdy tómengi synyptarda mindetti pán retinde oqytýdy bekitti, dep jazady The Japan News gazeti.
Orta mektepte baǵdarlamalaý 2021 jyldan bastap, al joǵary synyptarda - 2022 jyldan bastap mindetti túrde oqytylady. Pándi oqytý oıyn úlgisimen ótedi - balalar oıyn keıipkerlerin tildese otyryp basqarý algorıtmderin meńgeredi.
Qazirgi ýaqytta eldiń Koga men Takeo qalasynda baǵdarlamalaý páni bıznesmender jáne qoǵamdyq uıymdardyń eriktilerimen yntymaqtasyp bastaýysh mektepte oqytylyp jatyr. Sabaqtar oń nátıjesin kórsetti - oqýshylardyń bilim alýǵa degen qyzyǵýshylyǵy artty. Bul tájirıbe eldegi basqa mektepterge úlgi bolmaq.
Mektepterde baǵdarlamalaý pánin engizýdegi basty másele - muǵalimderdiń qajetti tájirıbesi men biliminiń bolmaýy. Buny sheshýge ІT-bıznes jáne qoǵamdyq uıymdar qolǵa alǵan dárister kómektesedi.
