Japonııada áıeline bir kúnde 100 ret telefon soqqan er adam qamaýǵa alyndy
TOKIO. KAZINFORM – Japonııada áıeline kúnine 100 ret telefon soǵyp, únsiz turyp, sóılemegen er adam qamaýǵa alyndy. Bul týraly Sora News habarlady.
Basylymnyń málimetinshe, áıelge belgisiz nómirden qońyraýlar túse bastaǵan. Telefon soqqan jaı ǵana úndemeı, aýyr tynys alǵan. Japondyq áıeldiń telefonyna bir táýlik ishinde osyndaı 100 qońyraý kelgen.
Aqyry ol polıtsııany kómekke shaqyrǵan. Tergeý barysynda telefon soqqan er adamnyń sol áıeldiń kúıeýi ekeni belgili boldy. Artynsha er adam ustalyp, oǵan «adamdy ańdý» boıynsha aıyp taǵyldy. Er adam bul áreketin áıeline únsiz qońyraýlar arqyly mahabbatyn bildirgisi kelgenimen túsindirgen.
«Men áıelimdi jaqsy kóremin, men oǵan eshteńe aıtpastan qońyraý shaldym», - deıdi ol.
Polıtsııa erli-zaıyptylardyń birge turatynyn jáne mundaı oqıǵa buryn-sońdy bolmaǵanyn aıtqan.
