Japonııada áıelderge ajyrasqan soń jarty jyl ishinde turmysqa shyqpaý týraly tyıym alynyp tastaldy
ASTANA. QazAqparat - Seısenbi kúni Japonııa úkimeti áıel adamǵa ajyrasqannan keıin alty aı ishinde turmysqa shyǵýǵa salynǵan tyıym týraly100 jyldan astam ýaqyt buryn qabyldanǵan zańǵa túzetýler engizdi. Bul merzim 100 kúnge deıin qysqartyldy, dep habarlaıdy TASS.
Ajyrasqan kezde áıeldiń júkti bolmaǵany týraly anyqtamany usyný jaǵdaıynda tyıym múlde alynyp tastalady.
Ótken jyldyń sońynda Japonııanyń Joǵarǵy soty bul zańdy konstıtýtsııalyq emes dep tanydy, sondyqtan úkimet oǵan túzetýler engizýge májbúr boldy. Ótken ǵasyrdyń basynda ajyrasqannan keıin jarty jyl boıy turmysqa shyǵýǵa salynǵan tyıym arqyly sol kezeńde dúnıege kelgen balanyń ákesin anyqtaýda qatelikterge jol berilmeıtini shamalanǵan. Alaıda zańǵa qarsy shyǵýshylar osyndaı ádis genetıkalyq taldaýdyń senimdi ádistemeleri bar bizdiń ýaqytymyzda kúlkili ekenin alǵa tartqan.
