Japonııada avtokólik tonneli opyrylyp qulady: qaza tapqandar bar
ASTANA. 2 jeltoqsan. QazAqparat - Japonııa astanasy Tokıo qalasynyń janyndaǵy Tıýo tas jolyndaǵy kólik tonneli opyrylyp qulady. Sonyń saldarynan kem degende eki adam zardap shekti.
Aldyn ala boljam boıynsha, tonneldiń ishinde taǵy jeti adam qalýda, dep habarlaıdy jergilikti bılik kózderiniń aqparatyna silteme jasaǵan VVS.
Jalpy uzyndyǵy shamamen tórt shaqyrymnan asatyn Sansago tonneliniń 30 metrlik ýchaskesi buzyldy. Qutqarýshylardyń málimetterinshe, onyń tóbesi men qabyrǵasynyń bir bóligi qulady.
Polıtsııanyń aqparatynsha, úıindilerdiń astynda eki avtomobıl qalýy múmkin. Olardyń biri órtendi, biraq jalyn aýyzdyqtaldy.
Tonneldiń jan-jaǵynda qara tútin paıda boldy, dep habarlady oqıǵa ornynda bolǵan tilshige silteme jasaǵan japondyq NHK telearnasynan.
