Japonııada aýa temperatýrasy 40°C-den asty
ASTANA.KAZINFORM — 21 shildede Japonııanyń ortalyq bóliginde temperatýra 40°C-den asyp, adam tózgisiz aptap ystyq boldy, dep habarlaıdy Jiji Press.
Eń joǵary temperatýra — 40,3°C, Gıfý prefektýrasyndaǵy Tadzımı qalasynda tirkeldi. Kórshiles Aıtı prefektýrasyndaǵy Toıota qalasynda temperatýra 40,1°C-qa jetti.
«Kokýsebı» termıni elde jaz aılarynda termometr baǵany 40°C-den asqanyn bildiredi jáne halyqty aptap ystyq týraly eskertý úshin jańadan engizildi.
Japonııa boıynsha 914 meteostantsııanyń 278-inde temperatýra 35°C-den joǵary kóterildi. Bul kúnder «mosebı» sanatyna nemese «óte ystyq kúnderge» jatady. Bul jańa termınologııa engizilgenge deıin eń joǵary eskertý deńgeıi sanalǵan.
Tokıo úkimeti keńse qyzmetkerlerine ystyq jaz kúnderinde kostıým men galstýkty tastap, qysqa jeńdi jeıde men sholaq shalbar kııýge ruqsat berdi.
Buǵan deıin Eýropadaǵy aptap ystyqtan 12 myńnan astam adam kóz jumǵany habarlanǵan.
Sondaı-aq Nıderlandta aptap ystyqtan ólim-jitim jıiledi.
