Japonııada atom reaktorynda apat dabyly 4 ret iske qosyldy
ASTANA. QazAqparat - Japonııadaǵy «Mondzıý» reaktorynda jumadan senbige qaraǵan túni suıyq natrııdiń tógilýin kórsetip, 4 ret apat dabyly iske qosylǵan, dep habarlady RIA Novostı.
Alaıda, atom energııasyn zerdeleý jáne ázirleý agenttiginiń operatory habarlaǵandaı, barlyq aspaptardyń ishinen tek bireýi ǵana iske qosylǵan. Ári suıyq natrıı tógilgen jaǵdaıda, ony sińirip alatyn fıltrden qaýipti eshteńe tabylmaǵan. Demek, dabyl aspaby ózdiginen qosylyp ketken bolýy múmkin degen tujyrym jasaldy. Alaıda, buǵan alańdaýshylyq týdyrýǵa negiz bolatyn mysal bar. 1995 jyly reaktor iske qosylǵannan keıin birneshe aıdan soń ǵana sýytýdyń qosalqy júıesinde natrııdiń tógilgendigi anyqtalǵan.
