Japonııada atqylaǵan janartaý Kagosıma qalasyna qaýip tóndirdi
ASTANA. QazAqparat - Senbi kúni tańerteń Japonııanyń Kıýsıý aralyndaǵy alyp Sakýradzıma janartaýy atqylady, dep habarlaıdy Sınhýa agenttigi.
Janartaýdan atqylaǵan tútin men kúldiń bıiktigi 4,7 shaqyrymǵa jetti.
Tabıǵı apattan qıraǵan ǵımarattar men qurbandar týraly ázirge eshqandaı aqparat joq.
Japonııanyń Meteorologııa basqarmasynyń habarlaýynsha, Sakýradzımanyń atqylaýy tańǵy 07:19-da bastalǵan. Janartaýdyń ózeginen shyqqan pıroplastıkalyq kúıdegi zattardyń aǵyny Kagosıma qalasyna qaýip tóndirýi múmkin.
Vedomstvo óńirdegi qaýiptiń úshinshi deńgeıge jatatynyn málimdedi.
