Japonııada Aso janartaýynan kúl atqylady
ASTANA. QazAqparat - Japonııanyń Kıýsıý aralynda ornalasqan Aso janartaýy dúısenbide tútindi kúl atqylady, dep habarlady «VVS» agenttigi.
Dál sol kezde aspaly jolda 10-ǵa jýyq týrıst bolǵan, olardyń barlyǵy evakýatsııalanyp úlgerdi. Sońǵy ret janartaý bir jyl buryn oıanǵan. Ol kezde kúl men ot 1,5 shaqyrymǵa kóterilgen. Taıaý ornalasqan Kýmamoto áýejaıynda ondaǵan reıster keıinge shegerilgen bolatyn. Aso - Japonııadaǵy 47 janartaýdyń biri. Ótken jylǵa deıin 20 jylǵa jýyq janartaý belsendilik tanytpaǵan. Ótken jyly qyrkúıek sońynda Ontake janartaýynyń atqylaýy - sońǵy 90 jyldaǵy eń qýattylarynyń biri boldy. Sonyń saldarynan 63 adam qaza boldy.
