Japonııada ashanadan shyqqan órt 150 úıdi kúlge aınaldyrdy
ASTANA. QazAqparat - Japonııanyń Nııgata prefektýrasynda ornalasqan Itoıgava qalasynda 10 saǵatqa sozylǵan aýqymdy órtten 150 turǵyn úı men ǵımarat janyp ketti.
Órt keshe keshke bastalǵan, jergilikti dámhanalardyń birinde órt tutanǵan. Jeldiń 20 metrden astam jyldamdyqpen uıytqı soǵýynan órt áp-sátte kórshiles úılerdi sharpyp, búkil aýdanǵa jaıylǵan.
Órt kezinde segiz adamǵa ıis tıdi: onyń ekeýi órtengen úıdiń turǵyndary bolsa, altaýy - qutqarýshylar. Órt aýmaǵynan 750 adam kóshirildi.
Tilsiz jaý aýyzdyqtaldy, ol qaıtadan tutanbaýy úshin qutqarýshylar aýdan aýmaǵyn órtke qarsy reagenttermen tazalaýda, dep jazdy utro.ru.
