Japonııada aptap ystyqtan zardap shekkender sany myńnan asty
ASTANA. QazAqparat - Japonııanyń kóptegen aımaqtarynda bolǵan aptap ystyq saldarynan bir aptanyń ishinde 1 adam kóz jumyp, myńnan astam adam aýrýhanaǵa jatqyzylǵan, dep habarlady «RIA Novostı».
Ótken aptanyń ortasynda Japonııanyń kóptegen jerlerinde, sonyń ishinde Tokıo, Osaka jáne Fýkýona sııaqty iri qalalarynda termometr kórsetkishteri 31 gradýsqa deıin kóterilgen. Nagoıa, Kıoto jáne taǵy basqa birqatar qalalarda kúndiz aýanyń temperatýrasy 34 gradýs ystyqty kórsetti. Seısenbi, 2 maýsym kúni Japonııanyń bas meteorologııalyq agenttigi eldiń kóptegen qalalarynda, sonyń ishinde Tokıoda kún 29 gradýsqa deıin ysıtynyn boljap otyr. El mamandary kóshede kóp júrý qaýipti ekenin eskertip, únemi sý iship otyrýdy jáne kóshede jumys istep, sportpen aınalysýdan tartyna turýǵa keńes berdi. Qaýipti topqa egde jastaǵy adamdar men balalar kirip otyr.
