Japonııada aptap ystyqtan 700-ge jýyq adam zardap shekti
ASTANA. QazAqparat - 12-18 maýsym aralyǵynda ystyq ótken 700-ge jýyq adam Japonııa aýrýhanalaryna jetkizilip, onyń 2-i qaıtys boldy. Bul ótken aptadaǵy kórsetkishpen salystyrǵanda júz adamǵa artyq, dep málimdedi eldegi jedel járdem qyzmetin qosa atqaryp júrgen Bas órt sóndirý basqarmasy, dep habarlaıdy TASS agenttigi.
Agenttiktiń málimetine qaraǵanda, birneshe ondaǵan adam bir aptadan artyq ýaqytqa aýrýhanaǵa jatqyzylǵan. Mamyr aıynda kúnniń ystyǵynan eki adam qaıtys bolǵan bolatyn. Jaýyn maýsymynyń bastalǵanyna qaramastan, eldiń basym bóliginde aýa temperatýrasy 30 gradýstan túspeı tur.
