Japonııada aptap ystyqtan 4 myńnan asa adam zardap shekti
ASTANA. QazAqparat -Japonııadaǵy aptap ystyq saldarynan kem degende úsh adam mert bolyp, 4,3 myńdaı adam aýrýhanalarǵa jetkizilidi, dep habarlaıdy TASS.
Agenttik taratqan málimetterge qaraǵanda, ystyq ótkenderdiń basym bóligi egde jastaǵy adamdar. Sońǵy kúnderi Japonııanyń ortalyq bólikterinde bultty aýa raıy ornap, aýa temperatýra 30 gradýstan joǵary kóterilgen joq. Bul ótken aptamen salystyrǵanda, aptap ystyqtan zardap shegip, aýrýhanaǵa jetkizilgenderdiń sany 1,5 myńǵa kemigen.
Japonııada 1 mamyrdan bastap aýa temperatýrasynyń kúrt joǵarlaýy saldarynan 42 adam mert boldy. Jergilikti bılik turǵyndardyń múmkindiginshe kóp sý iship, bas kıim kıip júrýlerine jáne kún astynda kóp júrmeýge keńes berýde.
Aıta keteıik, byltyrǵy jyly elde aptap ystyq saldarynan 100-den astam adam qaza taýyp, 10 myńdaǵan adam aýrýhanalarǵa jetkizilgen bolatyn.
