Japonııada aptap ystyq saldarynan 700 adam aýrýhanaǵa jetkizildi
ASTANA. 17 shilde. QazAqparat - Japonııada aptap ystyqtyń saldarynan bir adam kóz jumyp, 700-i aýrýhýnaǵa jetkizildi, dep habarlady NHK dúısenbi, 16 shilde kúni.
Aýrýhanaǵa jetkizilgender týraly málimet jergilikti ýaqyt boıynsha saǵat 20.00-de berildi. 700 adamnyń barlyǵynda kún tııý dıagnozy belgilendi, dep habarlady Lenta. rý.
Aıta keteıik, aptap ystyq Japonııanyń batysy men shyǵysynda tirkeldi. Eldiń 60 aýdanynda aýa baǵamy 35 gradýstan asyp jyǵylýda. 16 shilde kúni Tokıonyń shet aımaǵynda aýa temperatýrasy 37,6 gradýs kórsetkishti, Tokıoda 33 gradýsty kórsetti.
Japonııa sońǵy kúnderi tek aptap ystyqtan emes, sondaı-aq sý tasqynynan zardap shegýde. 14 shildedegi málimetterge zer salsaq, jańbyrdyń saldarynan Japonııanyń ońtústik-batysynda kem degende 29 adam qaza boldy nemese iz-túzsiz joǵaldy. Kıýsıý aralynynan 400 myń adamdy qaýipsiz aımaqqa kóshirý jóninde sheshim qabyldandy.
