Japonııada aptap ystyq saldarynan 70 myń adam aýrýhanaǵa jatqyzyldy
TOKIO. QazAqparat - Japonııada aptap ystyq basylmaı tur. Mamyrdan tamyzǵa deıingi aralyqta aýrýhanaǵa jatqyzylǵandardyń sany rekordtyq mejege jetti, dep habarlaıdy «QazAqparat» HAA TASS-qa silteme jasap.
Japonııa Ákimshilik isteri jáne kommýnıkatsııa mınıstrliginiń málimdeýinshe, ótken úsh aptada 71 266 adam basynan kún ótip aýrýhanaǵa jatqyzylǵan. Bul 2013 jylǵy rekordtan 15 myńǵa artyq. Bir jeti buryn kem degende 39 adam qaıtys boldy, 13,7 myń adam kún ótip, aýrýhanaǵa túskeni habarlanǵan bolatyn.
Qazir kúnshyǵar eldegi aýa temperatýrasy 34-35 gradýstan tómen túspeı tur, keıbir óńirlerde termometr baǵany tipti 40 gradýsty kórsetip jatyr.
Byltyr Japonııada aptap ystyq saldarynan 44 adamnyń ómiri qıylyp, ondaǵan myń adam aýrýhanaǵa jatqyzylǵan edi.
