Japonııada aptap ystyq saldarynan 596 adam aýrýhanaǵa tústi
ASTANA. QazAqparat - Japonııada sońǵy eki aptada ystyq saldarynan 596 adam aýrýhanaǵa jatqyzyldy, bir adam kóz jumdy.
Bul týraly TJM men jedel járdem qyzmetin oryndaıtyn eldiń bas órt basqarmasy málim etti, dep habarlady TASS.
Vedomstvonyń derekteri boıynsha ystyqtan zardap shekkenderdiń 40 paıyzy egde adamdar.
Sáýirdiń sońynda - mamyrdyń basynda Japonııanyń basym bóliginde ystyq aýa raıy tirkeldi. Termometr baǵany 30 gradýsqa deıin kóterildi. Japondyq meteorologtar bıyl Tynyq muhıtynda El-Nıno jáne La-Nınıa klımattyq fenomenderdiń yqpalynan jaz ystyq bolady dep boljaıdy.
Ótken jyly Japonııada aptap ystyq saldarynan 100-den astam adam ajal qushyp, 53 adam aýrýhanaǵa jatqyzylǵan.
