Japonııada aptap ystyq saldarynan 3,5 myńdaı adam aýrýhanaǵa jatqyzyldy
ASTANA. QazAqparat - Japonııada 25 maýsymnan 2 shildege deıin aptap ystyq saldarynan 3,4 myńnan astam adam aýrýhanaǵa jatqyzyldy, úsh adam qaıtys bolǵan. Bul týraly TASS habarlaıdy.
Jalpy, elde bir aptanyń ishinde 3 473 adam aýrýhanaǵa jatqyzylǵan, bul kórsetkish 18-25 maýsym aralyǵyndaǵy kórsetkishke qaraǵanda 5,2 ese kóp. Termometr baǵany ótken aptada 30 gradýstan tómen túspegen.
2017 jyly elde aptap ystyqtan 44 adam ólip, ondaǵan myń japonııalyq aýrýhanaǵa jatyp shyqqan bolatyn. Bılik adamdardy múmkindiginshe kóbirek sý ishýge, bas kıim kıip júrýge jáne kún astynda kóp júrmeýge shaqyryp jatyr.
