Japonııada aptap ystyq saldarynan 270-ke jýyq adam zardap shekti
ASTANA. QazAqparat - Japonııadaǵy aptap ystyqtan bir adam kóz jumyp, 270-ke jýyq adam aýrýhanaǵa jatqyzyldy.
Sheteldik BAQ-tyń jazýynsha, sońǵy kúnderi Japonııa aýmaǵynyń basym bóliginde ystyq aýa raıy tirkelip otyr. Atap aıtqanda, Gýnma prefektýrasynyń Tatebası qalasynda termometr baǵany 36,3 gradýsqa kóterildi. Al Kıoto, Okaıama, Fýkýsıma prefektýralarynda, sondaı-aq tokıolyq aýmaqta aýa temperatýrasy senbide 33-34 gradýsqa jetti.
Qatty ystyqtan 42 prefektýrada aýrýhanaǵa túsken adamdar sany 268-ge jetken eken. Sonymen qatar aptap ystyqty kótere almaı 92 jastaǵy qart kóz jumǵan.
Osy oraıda Japonııa meteorologııalyq agenttigi dalada aýyr jumystar isteýden jáne sportpen aınalysýdan tartyný kerektigi týraly adamdarǵa eskertý jasady.
