Japonııada aptap ystyq saldarynan 1 adam qaza taýyp, 730-y aýrýhana tústi
ASTANA. QazAqparat - Japonııanyń basym aýmaǵynda oryn alǵan aptap ystyqtan bir adam qaza tapty. Taǵy 735 adam aýrýhanalarǵa jetkizildi.
Bul týraly Japonııanyń ortalyq órt sóndirý basqarmasynan habarlady. Basqarma málimetinshe, ótken aptanyń basynan kúnniń ystyǵynan zardap shekken 4 myńnan astam adam aýrýhanaǵa túsken.
Japonııanyń basym bóliginde termometr kórsetkishi 30 gradýstan joǵary bolyp tur. Nııhama qalasynda (Aıtı prefektýrasy) temperatýra 37 gradýsqa deıin kóterilgen. Tokıoda ol 33 gradýs kórsetkishinde bolǵan.
Sınoptıkterdiń boljaýynsha, eldegi ystyq aýa raıy kelesi aptanyń basyna deıin sozylady.
