Japonııada aptap ystyq: rekordtyq temperatýra tirkeldi
TOKIO. QazAqparat - Japonııanyń Sıdzıoka prefektýrasynyń Hamamatsý qalasynyń ortalyǵynda termometr baǵany 41,1 Tselsııa gradýsqa deıin kóterilip, rekordtyq kórsetkish tirkelgen, dep habarlaıdy QazAqparat Kıodo agenttigine silteme jasap.
Japonııanyń meteoqyzmetiniń habarlaýynsha, dál osyndaı aýa temperatýrasy 2018 jyldyń 23 shildesinde, Saıtama prefektýrasynyń Kýmagaıa qalasynda tirkelgen.
Japonııanyń barlyq óńirinde tamyz aıynda kún óte ystyq bolyp otyr. Qazirgi ýaqytta Tokıodaǵy temperatýra 35 gradýsqa jetti. Japonııanyń jergilikti bılik ókilderi turǵyndardy kún tııýden saqtanýǵa shaqyrady.
Byltyr ystyq ótip ketken 70 myńnan asa adam aýrýhanaǵa jatqyzylyp, olardyń 126-y qaıtys bolǵan.
Foto: EPA
