Japonııada aptap ystyq: Bir táýlikte 1,5 myńnan astam adam aýrýhanaǵa tústi
ASTANA. QazAqparat - Japonııada aptap ystyqtyń saldarynan senbi kúni alty adam qaza taýyp, myń jarymnan astam turǵyn aýrýhanaǵa jatqyzyldy. Eldiń barlyq aýmaqtary kúnniń ystyǵynan zardap shegýde, dep habarlaıdy TASS Kyoto agenttigine silteme jasap.
Elde 1536 adamnyń basynan ystyq ótip, aýrýhanaǵa túsken. Japonııanyń kóp jerlerinde sońǵy birneshe kún boıy aýa raıy ystyq ári dymqyl. Temperatýra kúndiz turaqty túrde 30 gradýstan joǵary bolyp otyr. Eldiń keıbir aýmaqtarynda termometr baǵany Tselsıı shkalasy boıynsha 39 gradýsqa jetken.
Ótken jyly aptap ystyq saldarynan elde 44 adam kóz jumyp, ondaǵan myń japondyq aýrýhanalarǵa túsken edi.
